Bygland kommune er ein triveleg plass å bu, og det er trygt for barn å vekse opp i oversiktlege lokalmiljø. I år 2009 var det ca. 1235 innbyggarar i kommunen. I nasjonale prognoser er det venta at ca. 230 av kommunane i landet vil få nedgang i folketalet frå årtusenskiftet. Sett i eit lengre perspektiv har det vore nedgang i folketalet i Bygland i fleire generasjonar.
Kommunen har satsa sterkt på å legge til rette for nye arbeidsplassar, og behalde eksisterande verksemder. Dette har bl.a. ført til at Bygland har fleire arbeidsplassar enn ein “brukar sjølv”. Det er betydeleg innpendling frå nabokommunen Evje&Hornnes. Søndre del av Bygland og Evje er ein felles arbeidsmarknad.
I 2009 vart det gjort ferdig nytt byggefelt på Byglandsfjord med utsikt over fjorden. Det er elles byggefelt med tomter fleire stader i kommunen. I 2009 og no utover i 2010 yter kommunen tilskot på 100.000 (med offentleg vatn og kloakk) og 150.000 (utan offentelg vatn og kloakk) til folk som etablerer seg i kommunen og enten kjøper eller byggjer hus. Svært mange har fått dette tilskotet, i stor grad til kjøp av hus. Det er von om at dette også no kan gje meir nybyggjing.
